東京八日 2013-Day 3 part A: 三鷹美術館 + 吉祥寺

Day three- 2013-04-17(Wednesday)   天情温暖

第三天冇落街食早餐，8:30am 只在酒店食杯麵，因為時間緊迫。

 

食埋作晚買的草莓，這是日本最有名福岡縣出產。

跟住去今天目的地「三鷹美術館」，即是HK人叫「宮崎駿館」，由新宿出發坐中央或總武線去三鷹站（中野方向）。

東京到處是賺錢地方，車站內好多嘢食賣。

到「三鷹站」找南口出去（有指示牌）

南口見到是天橋，要落到地面先。

向左望見到隔遠小小巴士站，就是去「三鷹館」。

巴士站對面有間藥房，大家認住就容易找。

如果步行去大約二十分鐘，坐巴士盛惠JPY200一人，巴士只是外殼唔同，內裡同一般巴士一樣！

一場來到比錢佢賺！




館開10:00am-18:00pm(逢星期二休息)
分10:00,12:00 14:00, 16:00入場，必須在指字時間起計 30 分鐘內進場，入場可遊玩至閉館。10:00am到達時已經有好多人在門外排隊，記得三鷹館不設即時買飛，全部是預售，HK人可以去「日航天地」買飛，地址是「尖沙咀132號彌敦道美麗華大廈1910室」，電話 34291278但是OFFICE有機會搬遷，不妨上網睇最新資訊。温馨提示: 票務價錢會因旺淡季不同，我地四月去HK$125一個人，記得帶入場者身份証 or 護照影印本去香港「日航天地」預訂買票。

www.ghibli-museum.jp

只是入場也等了二十多分鐘，十分期待。

揸住「日航天地換領信」換成有底片的入場券。



排咗咁耐周圍影吓相。

由於場館室內不准影相，只能影室外，館內共分三層，有宮崎駿辦公室，有他的抽象晝，介紹卡通原理，迷你電影院同賣紀念品毛公仔的地方。

飲水器也特別設計。

壓軸出場是天空之城的機械人，不用介紹，來到必影。

來個側身十分有型。

背面原來穿咗個洞。

個洞仲要自己生咗D草。

 

呢舊其實是控制天空之城飛行石，新一代BLOG友未必知。

呢張係唯一在室內影的，影完立即有職員來叫停。

館外設計其實好有心思。不過裏面真係冇乜嘢睇。

室內的厠所裝修典雅。

水渠蓋十分可愛。

古老設計的抽水龍頭，配合「宮崎駿」卡通復古風格。

館外也有COFFEE SHOP。

應該唔平，但又坐滿人。

平心而論「三鷹館」並非我當初想咁精彩，有小小失望，又唔比影相又要預先在香港買飛，但仍是景點之一。

hea 到成下午一點半，行完後出口是「井之頭」公園，仍有小量櫻花。

公園有人帶住秋田犬散步。

旺旺:「你袋內果隻係咪肥貓大舊？」

公園面積非常大，沿住大路可離開公園到「吉祥寺站」。

公園環境清靜，樹木長到5、6層樓高。

樹木應該有人去打理才長到如此美。

呢條路是去「吉祥寺」。

「吉祥寺」是東京最受歡迎的住宅區。

2:00pm,專程到Steak house Satou,地下呢條龍係排吃「三重縣松阪國產黑毛和牛」炸牛肉球，又要排隊等咗好耐！

www.shop-satou.com/shop02.html

買多D平D，不過試試心理，一人一個。





太多人買，做到冇停手。

其實幾大粒，如果買5個二人食的話一定滯！

不過太熱氣，又冇乜牛肉味，個人認為如果唔使排太耐隊的話，不妨一試！

2:30pm跟住上Satou 2/F樓上食「松阪牛肉定食」。






lunch menu 我地揀了中間價 ￥3,500一份的set

味道不錯，因為本本有旅遊書寫，有不少香港人來，好遊客FEEL！

食飽行陣街，東京四圍都是百貨公司。

LOFT冇乜收獲。大眼話得農場妖精 re-ment 買。

只有大路的玩具賣。

行前D有間好大間YODOBASHI電器舖，地下有過百部扭蛋機，啱哂大眼。

我地分頭行事，我去睇電器，大眼睇玩具。都係近期re-ment...

香港仲平

有好多licca ，jenny 衫買，但由於趕時間去「中野」，行咗一陣就走。

戰利品:

在「三鷹美術館」買 ，龍貓Benz ￥1575

買了把介木刀，made in japan 





第三日待續....