東京八日 2013-Day 7 part B- 秋葉原，和幸，思出橫丁,ラジオ会館

續第七日

押上站是 metro 公司，我地找半藏門線，要搭一個站去到錦糸町站，

架列車有風扇，幾好喎，環保

到左錦糸町站，跟住見到呢個出口，搭扶手電梯上去，轉 JR 

要過馬路，大大個JR錦糸町站，我地再行去轉乘jr (總武線去秋葉原)

錦系町車駅呢度又系多百貨店，東京真係多shopping mall!

3:45pm到達秋葉原，一出JR就見到呢度，斜對面是ラジオ会館

ラジオ会館

http://www.radiokaikan.jp/
就係呢棟,據說呢個係1號館，另外個ラジオ会館本館翻新緊，要到2014年四月至完成。

講番ラジオ会館1號館，來得秋葉原尋寶，都會去呢棟大厦，

地下係扭蛋同埋格仔舖，格仔舖全是二手模型，玩具，扭蛋，乜都有，有排睇！

我目標係7/F 海洋堂

沒有什麼特別，大多扭蛋

呢D全是佢地自家代理扭蛋

其實搬左building.D舖係咪比以前細左，我地逐層上，呢間係宇宙船

6/F Azone label，呢度多嘢睇，有Azone 公仔，衫褲鞋襪，

還有多二手re-ment, T for candy,orcara都有，不過呢間的re-ment 全是近期個d，而且價錢貴，冇收獲，可能太多港人來呢度尋寶！

冇玩開Azone 公仔，費事開左個頭，又花錢沉迷，始終自己喜歡砌場景多過玩公仔...

反而有興趣呢批張子面具，配合Azone 公仔玩，399日元一個，不太貴。買了四個
後尾發現都好fit Licca塊面，哈哈！

四個共￥1596

再上也是玩具模範店，真係精彩

其實秋葉原又大又多玩具模型店舖，還有是店舖常常唔同，好快執左或搬舖，所以旅遊書個地圖不能作準，呢度以前好似係ラジオ会館，宜家變左Labi，買電器，電腦

淨係在ラジオ会館都逛在兩個鐘，跟住再週圍行，原來秋葉原有許多中古店，幾乎一條街梗有幾間，好似便利店，專買二手食玩模型，最衰今日太晏至到，如果唔係逐間行尋下寶，玩具二手市場在東京真係好大一盤生意！

地舖都行唔哂，已經入黑，仲有每棟大廈樓上幾乎全是經營與動漫，模型相關的行業，下次來行一日也行不完，

逛了幾間中古店，敗了一堆絶版re-ment,有D運！

re-ment ￥9079

爐 ￥1890

呢套醜比頭￥2480

總數￥15045，嘩，冇眼睇！！！

晚上8:00pm，太肚餓了，D舖頭陸續關門，咁我地走左去 Akiba Square，呢度有office,會場及食肆

選了香港都有分店的大人氣吉豬店，和幸

http://www.wako-group.co.jp/zh_tw/location_tokyo.html

香港的店未試過，要試更係在日本試

呢度係飯，湯同椰菜都是冇限供應，一定吃到飽

好多選擇

我選了￥890的一口豬柳餐，唔只一口，都幾大件厚身，抵！

好正，胞漿唔厚，肉好juicy，有肉味，得！

阿四的一塊大扒 + 一口豬柳  ￥930

我感覺一口豬柳juicy，塊吉豬就乾左d，但都好鬆脆

其實大舊本身係一大件吉豬

我發覺最好味是那堆生椰菜絲，新鮮，切得相當幼細，易入口，伴埋呢樽柚子醋，好吃到停唔到口，我添了兩次椰菜，仲有碗味噌湯，有蜆肉裏面，飲多幾碗！

仲有仲有，點解在日本餐廳飲到的綠茶，是顏色鮮綠，又好香綠茶味？但係香港就冇茶味，顏色暗淡!

吃完好豐富的一餐，9:30pm離開akiba square,碰巧隔離有間超市仔，有草莓買，草莓季節應該要買來吃，好平￥598兩盒日本草莓，仲要是超甜，以為執到...

但係原來其中一盒是櫪木縣，咪福島隔離的？？oh my god,我宜家至知，但到食左落肚，下次買嘢要睇真D,太黑乜都睇唔到！

秋葉原返新宿都耐車程，加上車站行返酒店要10幾分鐘

今晚在新宿西口出站，沿途經過好出名的思出橫丁，內有各種地道食店，，以串燒及居酒屋為主，有興趣可以朝聖食下，不過要留意菜單全是日文，冇圖！

10:30pm可能太夜，好多都關了門

思出橫丁

www.shinjuku-omoide.com

今晚返酒店執行李，明天要返香港了

第七天完