續第六日partA
本來想去揾嘢食，下町館對出個公園發現大肥貓
肥美，可愛
上野公園出名多貓貓，好多貓痴會到來餵貓，D貓隻隻肥美
玩貓玩到1:30pm，求其揾間平靚正食蕎麥麵店
好得意，在日本麵餐大多跟多一碗飯，今次有碗豬扒飯跟
太多殿粉質喇！
就係食完麵，行左去阿美橫丁shopping之際，阿四唔見左散子包。結果返麵店，藥房揾左陣，都冇，好彩是跌散子包，只損失幾百￥
其實今天天氣唔好，下午開始下着雨，又要拿遮，拿旅遊書，相機,拖喼.....冇手,所以旅行最討厭是下雨天氣
這便是上野阿美橫丁(アメヤ横丁)，很繁華商店街，有多條橫街，商店檔口密麻麻，最好帶地圖,呢度似女人街 + 廟街
上野是平民區，租間一人屋仔最平只是約港元$2700@month，大單獨立屋及高尚住宅區都最貴只是HKD$12000，
比HK租金便宜，搬去日本住！
多特色小店，也有連所店，衫褲鞋襪，生活什貨乜都有得買，行一整天行不完。
呢條街有多檔路邊食肆，很便宜。落雨天都咁好生意，一定是好抵食！
另一條街主力是濕貨街市，好多很平宜海鮮買，我地見到毛蟹係￥1000三隻，平到咁，真係想買番酒店吃
另一條街會買海味乾貨，有好多乾瑤柱冬菇魚乾仔買，不過價錢同HK差不多
反而見到大多遊客去呢間--二木菓子批發店入貨。
二木菓子在這裏很大規模，分幾個館
唔係款款零食都平，門口擺個D一定係激安，可以買多D,但裏面有好多同在HK買差不多，什至乎更貴，除非買好大包裝，成1kg 的糖果一定便宜。不過要考慮行李過磅問題...
盡量揀了些香港唔見有 or 好便宜的，題外話，呢間唔係最平，各位有興趣可到中野區(JR中野店)，近nakano broadway的有蓋商店街，那裏有間零食店很便宜，大部份零食￥80-￥100左右
在二木度買了￥3213
因為下着雨，唯有行下室內百貨店
越夜越大雨，條街少人，走去志村商店（近百果園）買糖果
標榜￥1000袋雜錦朱古力，會隨意店員為你執一大袋，有D似福袋咁
買了袋拿回公司做手信，值唔值￥1000真係見人見智，同埋你冇得選款！
其實還有很多檔口未行，可惜太大雨，我地只好逛下室內D連鎖店
好彩有間 Yamashiroya
樓高七層的玩具精品店
支持東日本震災復興，扭了隻。
唔講唔知下面D係紙品，好迫真，但超貴
就係呢D,一包包，你自己砌
又有licca
特大大貓老師cushion
點拿回香港？？
卒之買了licca睡房，後悔這裏買，一來貴，二來HK買仲平，激氣！！！
￥3675
學校制服1480
￥630
由於當天十分寒冷，我和大眼去了有BLOG友介紹的燒肉店「風風亭」！
「風風亭」西武新宿駅前店
東京都新宿区歌舞伎町 1-26-6 灯ビル 7F
就在新宿太子酒店對面
MENU有中文，可選擇最便宜總類，已是日本和牛！
價錢十分相宜，二人用JPY6540。
單看賣相已令人流口水！
多款牛肉，牛內臟都有
不是頂級，但已好好味，可以食到飽為止！
另有沙律選擇。
除了和牛，還有其他，如雞肉，豬肉海鮮帶子腸仔,蔬菜，飯都有！！
不過我地主攻和牛....
食飽D成個身暖哂！
仲未燒熟！大舊唔好咁心急！
仲有甜品雪糕同和菓子，已經不錯。
飲品也是加JPY390一位就可以任飲果汁汽水，肚皮十分滿足。
大舊後勁凌厲，仲繼續食。
在上野買咗小電器返香港試吓，電動牙刷唔覺D牙乾淨咗，剃毛機仲好快壞！
以後買番名牌好D
還有係咁二買包乾瑤柱
第六天完
沒有留言:
張貼留言